کراچی (رپورٹ: ذیشان حسین) ہسپانوی فٹ بالر کارلیس پیول کا نیشنل سٹیڈیم میں شانداز استقبال، فٹ بالر کا پاکستانیوں سے اظہار تشکر، محبت کرنیوالے لوگ قرارد یدیا۔ تفصیلات کے مطابق ہسپانوی فٹ بالر کارلیس پیول کو پی ایس ایل کی اختتامی تقریب میں سٹیج پر بلایا گیا تو اس موقع پر سٹیڈیم میں موجود شائقین نے کارلیس پیول کا شاندار استقبال کیا اور بھرپو تالیاں بجائیں۔ اس موقع پر گفتگو کرتے ہوئے کارلیس پیول نے کہا کہ پاکستانی بہت محبت کرنے والے لوگ ہیں اور مجھے پاکستان میں بہت پیار مل رہا ہے۔ انہوں نے کہا کہ شاندار میزبانی پر پاکستانیوں کا شکر گزار ہوں، پاکستانی کرکٹ اور فٹ بال دونوں سے بہت محبت کرتے ہیں۔
