میرپورخاص (رپورٹ: ایم ہاشم شر) ڈویژنل کمشنر میرپورخاص عبدالوحید شیخ کی زیرصدارت کمشنر کانفرنس ہال میں ڈویژنل اوورسائیٹ کمیٹی کی ترقیاتی اسکیموں کے ایم اینڈ آر کے حوالے سے ایک اجلاس منعقد ہوا اس موقع پر کمشنر نے کہا کہ ترقیاتی اسکیموں کو معیاری اوروقت پر مکمل کرانا انتظامیہ کی ذمہ داری ہے ترقیاتی اسکیموں کو میرٹ کی بنیاد پر شامل کیا جائے اور اجتماعی فائدہ پہنچانے والی ضروری اسکیموں کی منظوری دی جائے گی انہوں نے کہا کہ عام لوگوں کو صحت کی بہتر سہولتیں فراہم کرنے کیلئے ہرممکن اقدامات کئے جائیں گے اجلاس میں ڈویژنل اور ڈسٹرکٹ اوورسائیٹ کمیٹیوں کی جانب سے پروونشل بلڈنگ ڈپارٹمنٹ میرپورخاص کی جانب سے ملنے والے پروپوزل پر غور و خوص کرنے کے بعد ایم اینڈ آر کی اسکیموں کی منظوری دی گئی جس میں صحت، بیورو آف اسٹیٹکس، ڈپٹی کمشنر ہاؤس، کمشنر ہاؤس سمیت دیگر اسکیمیں شامل ہیں اجلاس میں ایکسین پروونشل بلڈنگ میرپورخاص میر احسان تالپور اور د یگر متعلقہ افسران نے شرکت کی۔
