ٹنڈو آدم (رپورٹ: رضوان احمد غوری) ریلوے پٹری چوری کرنے کے الزام میں ایک شخص ڈاٹسن پک اپ سیمت گرفتار مقدمہ درج ملزم ریلوے پٹریاں ڈاٹسن میں رکھ کر فرار ہورہا تھا۔ تفصیلات کے مطابق ٹنڈو آدم ریلوے پولیس نے دوران گشت ایک شخص خادم حسین سولنگی ریلوے کی تین پٹریاں چوری کرکے ڈاٹسن میں رکھ کر فرار ہورہا تھا کہ دوران گشت ریلوے پولیس اہکار چوکی انچارج محمد حسین نے وہاب شاہ ریلوے اسٹیشن کے نزدیک ریلوے پھاٹک سے ڈاٹسن سمیت ملزم کو گرفتار کرلیا اور اسے حیدرآباد ریلوے پولیس تھانے لے جایا گیا جہاں ملزم پر ریلوے ایکٹ کے تحت مقدمہ درج کر دیا گیا پولیس کے مطابق ملزم کا تعلق بھٹ شاہ سے بتایا جارہا ہے جس سے مزید تحقیقات جاری ہے۔
