میرپورخاص (رپورٹ: ایم ہاشم شر) میرپورخاص دستگیری ویلفیئر آرگنائزیشن کی جانب سے 260 مستحق معذور اور غریب افراد کے لیئے سردی سے بچاؤ کے لیئے (رضائی، گدا، تکیہ مکمل سیٹ) تقسیم کیئے گئے، میرپورخاص دستگیری ویلفیئر آرگنائذیشن کے انچارج ملک محمود صابری نے اپنے پیغام میں کہا کہ اصل عبادت انسانیت کی خدمت ہے اور دستگیری ویلفیئر آرگنائزیشن اپنے محدود وسائل کے باوجود بھی ضرورتمندوں مسکین نادار افراد کی مدد کر رہی ہے اور یہ عمل جاری رہے گا. انہوں نے کہا ہر مخیر شخص اپنی حیثیت کے مطانق ضرورت مندوں مجبوروں کا خیال رکھے تو نہ صرف اللہ پاک اجر دے گا بلکہ وہ ذہنی سکون بھی حاصل کرے گا۔
