شکیل آفریدی کے بدلے میں عافیہ صدیقی کے حوالے سے خبروں میں کوئی صداقت نہیں ہے۔ خوش آئند ہے کہ طالبان امریکہ نے مل بیٹھنے کا فیصلہ کیا ہے۔ وزیر خارجہ شاہ محمود قریشی

ملتان (بیورو رپورٹ) وزیر خارجہ شاہ محمود قریشی نے ملتان میں میڈیا سے گفتگو کرتے ہوۓ کہا کہ خوش آئند ہے کہ طالبان امریکہ نے مل بیٹھنے کا فیصلہ کیا ہے توقع ہے کہ بات مزید آگے بڑھے گی اور امن قائم ہوگا۔ پاکستان افغانستان میں امن کا خواہاں ہے۔ پاکستان افغانستان میں امن کے قیام میں اپنا کردار ادا کرہا ہے۔ ماحول کو سازگار بنانے کے لیے کچھ قیدیوں کو رہا کیا گیا ہے۔ پاکستان نے مقبوضہ کشمیر میں بھارتی مظالم کو بین الاقوامی فورمز پر بھرپور انداز میں اٹھایا ہے۔ طاقت کے استعمال سے کشمیری صورتحال مزید بگڑ سکتی ہے۔ دنیا مقبوضہ کشمیر میں بھارتی مظالم پر مزید خاموش نہیں رہ سکتی سیکرٹری جنرل اقوام متحدہ اور او آئی سی کو خط لکھا ہے۔ دنیا مقبوضہ کشمیر میں انسانی حقوق کی پامالیوں سے بے خبر نہیں رہ سکتی۔ شکیل آفریدی کے بدلے میں عافیہ صدیقی کے حوالے سے خبروں میں کوئی صداقت نہیں ہے۔