کراچی میں اسٹیل ٹاؤن میں پولیس اور ڈکیتوں کے درمیان فائرنگ کا تبادلہ۔ دو ملزمان زخمی حالت میں گرفتار

کراچی (رپورٹ: ذیشان حسین) کراچی میں ایس ایس پی ملیر سید عرفان بہادر کی جرائم پیشہ افراد کے خلاف سخت سے سخت کاروائی کرنے کی ہدایت- اسٹیل ٹاؤن میں پولیس اور ڈکیتوں کے درمیان فائرنگ کا تبادلہ۔ دو ملزمان زخمی حالت میں گرفتار۔ گرفتار ملزمان ڈکیتی کی واردات کے بعد فرار ہونے کی کوشش کر رہے تھے۔

گرفتار ملزمان سے چھینے گئے موبائل فونز، نقدی اور پرس برآمد۔ ملزمان واردات کیلئے رکشہ استعمال کرتے تھے، پولیس نے رکشہ اپنی تحویل میں لے لیا ہے۔ ملزمان کے دو ساتھی فرار ہونے میں کامیاب ہو گئے۔ پولیس فرار ملزمان کو تلاش کر رہی ہے۔ گرفتار ملزمان متعدد سنگین مقدمات میں جیل جا چکے ہیں۔