پورٹ لوئیس (رپورٹ: محمد عمر) موریشش کے دارلحکومت پورٹ لوئیس میں گزشتہ دنوں فلسطینیوں سے اظہار یکجہتی کے لئے ایک تقریب کا انعقاد کیا گیا تقریب میں قائم مقام صدر، وزیر اعظم، سفارتکاروں، فلسطین کے نمائندوں اور دیگر لوگوں نے بھی شرکت کی- تقریب کا انعقاد مشترکہ طور پر بلدیہ پورٹ لوئیس اور آئی سی سی کی جانب کیا گیا- موریشس کے اسکول کے بچوں نے فلسطینی نژاد شاعرہ سارہ الجنابی کی نظم کو ملکر پڑھا اور فلسطینی بچوں سے اظہار یکجہتی کیا- جبکہ تقریب میں 100 سے زائد زیتون کے پودے بھی تقسیم کیے گئے- چیئرمین انٹرنیشنل واٹرکلر سوسائٹی ریاض علاؤالدین کی جانب سے براہ راست پنٹنگ کا اہتمام کیا گیا جبکہ فنکاروں میں نسرین بانو عاشق، لیلیٰ المالکی، سلیم رجب علی، فیضال ڈیلو، محمد عمر ملک، ریاض علاؤالدین، علی خدا بخش و دیگر نے شرکت کی۔
