کراچی (رپورٹ: ذیشان حسین) دوسروں کو انصاف دلانے میں اپنا کردار ادا کرنے والے میڈیا ورکرز آج خود انصاف کے حصول کے لئے کراچی پریس کلب کے باہر مظاہرہ کر رہے ہیں- گزشتہ دنوں وقت ٹی وی سے نکالے جانے والے ملازمین نے اپنے حق کے حصول کے لئے کراچی پریس کلب کے باہر احتجاجی مظاہرہ کیا اور جبری طور پر نکالے گئے صحافیوں نے اپنے ہاتھوں میں بینر اور پلے کارڈز اٹھا رکھے تھے جس میں چیف جسٹس آف پاکستان سے انصاف کی اپیل کے لئے تحریر درج تھی- جبری طور پر نکالے گئے صحافیوں نے مطالبہ کیا ہے کہ ان کو ان کے باقی ماندہ واجبات بھی ادا کیے جائیں-
