کراچی ہاکی ایسوسی ایشن نے بی بی آصفہ بھٹو زرداری آل سندھ انٹر ڈسٹرکٹ پنک ہاکی چیمپئن شپ 2025 کے لئے سلیکشن کمیٹی کا اعلان کردیا

کراچی، (اسپورٹس رپورٹر) کراچی ہاکی ایسوسی ایشن کے سیکریٹری اولمپئن حنیف خان نے 2 اگست سے بے نظیر آباد میں شروع ہونے والے بی بی آصفہ بھٹو زرداری آل سندھ انٹر ڈسٹرکٹ پنک ہاکی چیمپئن شپ 2025 کے لئے سمیرا نسیم کی سربراہی میں پانچ رکنی سلیکشن کمیٹی کا اعلان کردیا ہے، کمیٹی میں سمیرا نسیم چیئرمین، کنول اعجاز، بتول کاظم، امتیاز الحسن اور محمد فیضان ممبر کی حیثیت سے فرائض انجام دینگے جبکہ مس ڈاکٹر قمر رضا کوآرڈینیٹر ہوں گی۔ تمام کھلاڑیوں کو ہدایت کی گئی ہے وہ ٹرائلز کے لئے 30 جولائی 2025 کی شام 4:00 بجے اولمپیئن حنیف خان اور ڈاکٹر جنید علی شاہ اسپورٹس کمپلیکس گلشن اقبال کراچی میں کوآرڈینیٹر ڈاکٹر قمر رضا کو رپورٹ کریں۔