اسلام آباد، (ویب اسپورٹس) پاکستان کرکٹ بورڈ نے جنوبی افریقہ، سری لنکا اور زمبابوے کے خلاف وائٹ بال سیریز کے لیے ٹی ٹوئنٹی اور ون ڈے اسکواڈز کا اعلان کردیا ہے۔
اعلان کے مطابق، ٹی ٹوئنٹی انٹرنیشنل کے لیے 15 رکنی جبکہ ون ڈے انٹرنیشنل کے لیے 16 رکنی اسکواڈ منتخب کیا گیا ہے پاکستان اور جنوبی افریقہ کے درمیان تین میچوں پر مشتمل ٹی ٹوئنٹی سیریز 28 اکتوبر سے یکم نومبر تک کھیلی جائے گی، جب کہ ون ڈے سیریز فیصل آباد میں 4 سے 8 نومبر تک جاری رہے گی۔
اس کے بعد پاکستان، سری لنکا اور زمبابوے کے درمیان تین ملکی ٹی ٹوئنٹی سیریز 17 سے 29 نومبر تک راولپنڈی اور لاہور میں ہوگی اسی طرح پاکستان اور سری لنکا کے درمیان ون ڈے سیریز 11 سے 15 نومبر تک راولپنڈی کرکٹ اسٹیڈیم میں کھیلی جائے گی۔
اسکواڈ میں چند نئی شمولیتیں اور اہم واپسیوں کو بھی شامل کیا گیا ہے عثمان طارق پہلی مرتبہ ٹی ٹوئنٹی انٹرنیشنل اسکواڈ کا حصہ بنے ہیں، جبکہ عبدالصمد، بابر اعظم اور نسیم شاہ کی مختصر فارمیٹ میں واپسی ہوئی ہے ون ڈے اسکواڈ میں فیصل اکرم، حارث رؤف اور حسیب اللہ کو دوبارہ شامل کیا گیا ہے۔
ٹی ٹوئنٹی ٹیم کی قیادت سلمان علی آغا کریں گے، جب کہ شاہین شاہ آفریدی ون ڈے اسکواڈ کے کپتان ہوں گے۔
ٹی ٹوئنٹی اسکواڈ:
سلمان علی آغا (کپتان)، عبدالصمد، ابرار احمد، بابر اعظم، فہیم اشرف، حسن نواز، محمد نواز، محمد وسیم جونیئر، محمد سلمان مرزا، نسیم شاہ، صاحبزادہ فرحان (وکٹ کیپر)، صائم ایوب، شاہین شاہ آفریدی، عثمان خان (وکٹ کیپر)، عثمان طارق
ریزرو کھلاڑی: فخر زمان، حارث رؤف، سفیان مقیم
ون ڈے اسکواڈ:
شاہین شاہ آفریدی (کپتان)، ابرار احمد، بابر اعظم، فہیم اشرف، فیصل اکرم، فخر زمان، حارث رؤف، حسیب اللہ، حسن نواز، حسین طلعت، محمد نواز، محمد رضوان (وکٹ کیپر)، محمد وسیم جونیئر، نسیم شاہ، صائم ایوب، سلمان علی آغا
