کراچی (نوپ نیوز) جمعیت علماء اسلام صوبہ سندھ کے سیکریٹری جنرل علامہ راشد محمود سومرو کی جانب سے لاہور میں جے یو آئی کارکنان کی گرفتاری اور تضحیک آمیز رویئے کی مذمّت کرتے ہوۓ کہا کہ سانحہ انارکلی کے بعد جے یو آئی کے کارکنان کے ساتھ پنجاب پولیس کا رویہ قابل مذمت ہے، جے یو آئی انسان دوستی پر یقین رکھتی ہے میئو ہسپتال کے باہر ہمارے کارکنان سے روا سلوک انسانیت سوز ہے۔
جے یو آئی رہنماؤں مولانا سلیم اللہ قادری، حافظ فہیم الدین کو پولیس نے گزشتہ رات زد و کوب کیا، پولیس سانحے انارکلی کی تحقیقات کرنے کی بجائے جے یو آئی کارکنان پرنزلہ گرا رہی ہے، جے یو آئی کارکنان کی گرفتاری پنجاب پولیس کی بوکھلاہٹ کا منہ بولتا ثبوت ہے، پنجاب پولیس کل رات سے حبس بےجا میں رکھے گئے جے یو آئی کارکنان کو فوری رہا کرے۔
