کوالالمپور (بیورو رپورٹ) ملائیشیا کی میری ٹائم انفور سمنٹ ایجنسی (ایم ایم ای اے) کے مطابق ملائیشیا کی جوہر بارو ریاست میں غیر قانونی تارکین وطن کو لے جانے والی کشتی ڈوبنے سے 10 افراد ہلاک ہوگئے۔ ادارے کے ڈائریکٹر فرسٹ میرین ایڈمرل نورل حیزام زکریا نے ایک بیان میں بتایا کہ کشتی میں متعدد بچوں سمیت 60 افراد سوار تھے، 21 افراد کو بچالیا گیا ہے جبکہ 10 افراد ہلاک ہوئے اور 29 لاپتہ ہیں۔ انہوں نے بتایا کہ کشتی خراب سمندری حالت کی وجہ سے صبح 4 بج کر 30 (پاکستانی وقت کے مطابق بدھ کی صبح 1 بج کر 30 منٹ) منٹ پر ڈوبی تھی۔ ڈوبنے والے افراد کی تلاش کے لئے بحری اور فضائی مدد بھیجی گئی ہے۔
