کراچی (رپورٹ: ذیشان حسین) جاپان کے کراچی میں متعین قونصل جنرل توشی کازوآئسومورا نے کہا ہے کہ جاپان ٹوکیو اولمپک اور پیرا اولمپک گیمز کی میزبانی اور دنیائے کھیل کے سب سے بڑے ایونٹ کو کامیابی سے ہمکنار کرنے کیلئے پوری طرح تیار ہیں اور جاپانی قوم اس یادگار اور تاریخی موقع کے منتظر ہے ایتھلیٹس وہ کمیونٹی ہیں جو انفرادی اور اجتماعی طور پر دنیا میں یکجہتی قائم کرسکتے ہیں ان خیالات کا اظہار انہوں نے 23 جون کو دنیا بھرمیں منائے جانے والے انٹرنیشنل اولمپک ڈے کے موقع پر کراچی میں جاپان قونصلیٹ میں سافٹ بال فیڈریشن آف پاکستان کیجانب سے منعقدہ خصوصی تقریب سے خطاب کرتے ہوئے کیا اس موقع پر ڈپٹی کمشنر ساؤتھ ارشاد علی سوڈھر، پاکستان اولمپک ایسوسی ایشن، اولمپک ڈے کی فوکل پرسن تہمینہ آصف، پاک جاپان کلچرل ایسوسی ایشن کی صدر سعدیہ راشد، سیکریٹری عظمت اتاکا، محمد اویس، سافٹ بال فیڈریشن کے سیکریٹری جنرل آصف عظیم، سندھ سافٹ بال ایسوسی ایشن کے صدر سید وسیم ہاشمی، سیکریٹری محمد ذیشان مرچنٹ، مراد حسین، فراز اعجاز سمیت اولمپک کھیلوں سے وابستہ دیگر ایسوسی ایشنز کے نمائندے بھی موجود تھے قونصل جنرل توشی کازوآئسومورا نے کہا کہ کھیلوں کے حوالے سے اولمپک کو دنیا بھر میں مستند اور نمایاں مقام حاصل ہے اولمپک گیمزکے دوران دنیا بھر سے کھلاڑی، آفیشلزاور شائقین کھیل ٹوکیو میں اکٹھا ہوں گے جن کی میزبانی ہمارے لئے باعث فخر ہوگی مسلم ایتھلیٹس کیلئے حلال فوڈز کا خاص اہتمام کیا گیا ہے کوویڈ 19- کے اس مشکل وقت کے باوجود ٹوکیو اولمپک میں شرکت کرنے والے اتھلیٹس ایک دوسرے کا احترام، دوستی اور یکجہتی کے ذریعے دنیا کو امید اور اعتماد کا پیغام دیں گے جاپانی قونصل جنرل توشی کازوآئسومورا کا مزید کہنا تھا کہ سافٹ بال فیڈریشن پاکستان کیجانب سے اولمپک ڈے پر تقریب کا انعقاد خوش آئند ہے ایسی تقاریب جاپان اور پاکستان کے درمیان دوستی کو مزید مضبوط بنانے میں اہم کردار ادا کریں گی سافٹ بال کا کھیل پاکستان میں نوجوانوں کا پسندیدہ اسپورٹس بنتا جارہا ہے مجھے امید ہے کہ مستقبل میں اس کھیل سے وابستہ کھلاڑی عالمی سطح پر پاکستان کا نام روشن کریں گے پاکستان میں اس کھیل کو جدید طرز پر استوار کرنے کیلئے ہرممکن تعاون کریں گے ڈپٹی کمشنر ساؤتھ ارشادعلی سوڈھر کا کہنا تھا کہ جاپانی قوم کو ٹوکیو اولمپک کی میزبانی کے یادگار اور تاریخی موقع پر مبارکباد پیش کرتے ہیں ٹوکیو اولمپک میں اتھلیٹس ایک دوسرے کا احترام، دوستی اور یکجہتی کے ذریعے دنیا کو امید اور اعتماد کا پیغام دیں گے فیڈریشن کے سیکریٹری جنرل آصف عظیم کا کہنا تھا کہ اولمپک ڈے منانے کی ابتدا 1894 سے ہوئی تھی جس کے بعد ہر سال پوری دنیا میں باقاعدگی کے ساتھ اس دن کو مناتے ہوئے تقریبات کا انعقاد کیا جاتا ہے جس کا مقصد کھیل، صحت اور اولمپک ازم کا پیغام دینا ہے جاپان قونصلیٹ کراچی نے ہمیشہ ایسی تقریبات کے انعقاد اور سافٹ بال کی ترقی کیلئے اپنا مکمل تعاون ہمیں فراہم کیا ہے اس موقع پر قونصل جنرل توشی کازوآئسومورا نے ڈپٹی کمشنر ساؤتھ ارشاد علی سوڈھر، آصف عظیم و دیگر مہمانوں کے ہمراہ اولمپک کے لوگو پر مبنی خصوصی طور پر تیار کیا گیا کیک کاٹا اس موقع پر ڈاکٹر عیسی لیبارٹریز کیجانب سے مہمانوں کو خصوصی تحائف بھی دئیے گئے۔
