گوجرانوالہ (بیورو رپورٹ) گوجرانوالہ تھانہ علی پورچٹھہ کے علاقہ گاؤں پنڈوری میں 12 سالہ احتشام کو زیادتی کے بعد قتل کیا گیا۔ گوجرانوالہ میں 12 سالہ احتشام کی گمشدگی کا ڈراپ سین ہوگیا۔ تھانہ علی پورچٹھہ کے علاقہ گاؤں پنڈوری میں ندیم کا بیٹا احتشام 3 روزسے لاپتہ تھا۔ گھر والے احتشام کی تلاش کرتے رہے، نہ ملنے پر پولیس کو اطلاع دی۔ پولیس کا کہنا ہے کہ انہیں محلہ دارعبدالرحمن اوروسیم عباس پر شک تھا جس کی بنا پر انہیں گرفتار کیا گیا۔ گرفتاری کے بعد انہوں نے زیادتی اور قتل کا اعتراف کرلیا۔ پولیس کے مطابق بچے کوگھرسے اغواء کیا گیا۔ ملزمان نے زیادتی کے بعد احتشام کا گلا دبا کر نہرمیں بہا دیا تھا، تاحال بچے کی لاش نہ مل سکی۔
