کراچی (رپورٹ: ذیشان حسین) سرکاری میڈیکل کالجوں میں ایم بی بی ایس اور بی ڈی ایس کے داخلوں کا عمل دوسرے مرحلے میں داخل میرٹ پر آنے والے 1200 امیدواروں کے انٹرویوز منگل 20 نومبر سے لینا شروع کیے جائیں گے- انٹرویوز کا سلسلہ ہفتہ 24 نومبر تک جاری رہے گا- انٹرویو شیڈول کے مطابق منگل 20 نومبر، جمعرات 22 نومبر، جمعہ 23 نومبر اور ہفتہ 24 نومبر کو تین سو امیدواروں کے انٹرویوز جناح سندھ میڈیکل یونیورسٹی کی پہلی منزل پر واقع لیکچر ہال میں صبح 9 سے دن 12 بجے تک لیئے جائیں گے- تمام امیدواروں کے انٹرویوز کے بعد منتخب ہونے والے امیدواروں کی حتمی فہرست لگائی جائے گی- وائس چانسلر جناح سندھ میڈیکل یونیورسٹی پروفیسر طارق رفیع نے کہا ہے کہ تمام طلباء انٹرویو والے دن اپنے والدین یا سرپرست کے ساتھ آئیں اور اپنے ہمراہ اصل تعلیمی اسناد، شناختی کارڈ یا ڈومیسائل، پی آر سی، والدین کے شناختی کارڈ اور ان کا ڈومیسائل بھی لائیں، تمام دستاویزات کی ایک فوٹو کاپی بھی ہمراہ لیکر آئیں- میرٹ نمبر 001 سے لے کر میرٹ نمبر 300 کے انٹرویوز صبح 9 سے 12 کے درمیاں لیے جائیں گے
