کراچی، (رپورٹ، ذیشان حسین) افغانستان کرکٹ ٹیم کے سابق فاسٹ بولر شاپور زدران کینسر کے باعث انتقال کر گئے۔ وہ گزشتہ کچھ عرصے سے کینسر کے مرض میں مبتلا تھے اور علاج کی غرض سے بھارت میں مقیم تھے، جہاں انہوں نے آخری سانس لی۔
رپورٹس کے مطابق شاپور زدران کی میت بھارت سے افغانستان منتقل کی جائے گی جہاں انہیں آبائی علاقے میں سپردِ خاک کیا جائے گا ان کے انتقال پر کرکٹ حلقوں، سابق و موجودہ کھلاڑیوں اور مداحوں نے گہرے دکھ اور افسوس کا اظہار کرتے ہوئے مرحوم کے لیے دعائے مغفرت کی ہے۔
