کراچی، (اسپورٹس رپورٹ) فیفا ورلڈ کپ 2026 کے موقع پر پاکستان میں فٹبال کے فروغ کے لیے پہلی مرتبہ "لائف بوائے فٹبال چیمپئن شپ” کا انعقاد کیا جا رہا ہے جو 8 سے 19 جولائی تک کراچی کے تاریخی لیاری کاکری گراؤنڈ میں کھیلی جائے گی۔ چیمپئن شپ میں 16 مقامی ٹیمیں ٹائٹل کے حصول کے لیے مدمقابل ہوں گی، جبکہ اس ایونٹ کا مقصد نوجوان کھلاڑیوں کو اپنی صلاحیتوں کے اظہار کا موقع فراہم کرنا، مقامی ٹیلنٹ کو اجاگر کرنا اور ملک میں فٹبال کلچر کو فروغ دینا ہے۔
چیمپئن شپ کے سیمی فائنل اور فائنل کے موقع پر شائقین نہ صرف دلچسپ مقامی مقابلوں سے لطف اندوز ہوں گے بلکہ اسی مقام پر فیفا ورلڈ کپ 2026 کے سیمی فائنلز اور گرینڈ فائنل کی لائیو اسکریننگ بھی کی جائے گی اسپورٹس اِن پاکستان کے اشتراک سے منعقد ہونے والا یہ ایونٹ لیاری کو ایک بار پھر فٹبال سرگرمیوں کا مرکز بنائے گا اور کھیل کے ذریعے نوجوانوں اور مقامی کمیونٹی کو ایک پلیٹ فارم پر متحد کرنے میں اہم کردار ادا کرے گا۔
