لاہور (نوپ نیوز) پاکستان مسلم لیگ ق کے رہنما و مسلم لیگ یوتھ ونگ کے مرکزی صدر سید بلال مصطفی شیرازی نے کہا ہے کہ کالا باغ ڈیم نہ بننے سے ہر سال 196 ارب کا نقصان ہو رہا ہے جو تشویش ناک امر ہے قیمتی پانی ذخیرہ کرنے کی بجائے سمندر میں گر کر ضائع ہو رہا ہے لیکن حکمران بڑے آبی ذخائر تعمیر نہ کرنے اور پرائیویٹ پاور پلانٹس سے مہنگی بجلی حاصل کرنے کے منصوبے بنا رہے ہیں جو بیڈ گورننس ہے انہوں نے کہا کہ لوڈ شیڈنگ کے مکمل خاتمہ اور سستی بجلی کے حصول اور زراعت کے لیے سارا سال دریاؤں میں پانی کی دستیابی کے لئے کالا باغ ڈیم سمیت بڑے آبی ذخائر کی تعمیر ناگزیر ہے ان خیالات کا اظہار انہوں نے مسلم لیگ ہاؤس میں یوتھ ونگ کے وفد سے گفتگو کرتے ہوئے کیا۔
سید بلال مصطفی شیرازی نے کہا کہ آبی ذخائر سے بجلی نہ بنانا قوم پر ظلم اور پرائیویٹ پاور پلانٹس سے مہنگی ترین بجلی عوام کو فراہم کرنا قوم پر عذاب ہے سستی بجلی کے حصول اور لوڈ شیڈنگ کے مکمل خاتمہ کے لیے کالا باغ ڈیم کی تعمیر کا فوری آغاز کیا جائے۔ کیونکہ مہنگی بجلی عوام اور صنعت کار دونوں کے مفادات کے خلاف ہے ۔
کالا باغ ڈیم نہ بننے سے ہر سال 196 ارب کا نقصان ہو رہا ہے- سید بلال مصطفی شیرازی فائل فوٹو
