سنو !
میری پیاری
میری اور صرف
میری لاڈلی سکھی !
یہ جو ہجومِ دنیا
تمہیں میرے گرد
نظر آتا ہے
سچ جو پوچھو
تو نظروں کا دھوکا ہے
یہ میرے نام
کو پکارتی ہوئیں آوازیں
تم جو مجھے
ایک دھیمی سی آواز دو
تو سب کی سب ماند پڑ جائیں
یہ میرے
وجود کو گھیرا ڈالے
اجنبیوں کے خاکی اجسام
تمہارا جو قرب ملے
تمام کے تمام دھول بن جائیں
یہ میرے خزاں جیسے
ہفتے کے ساتوں دن
تمہارے ساتھ
جو کچھ پل مل جائیں
تو سارے کے سارے بہار لگیں
میری پیاری !
مجھے تو سکونت
فقط تم سے تھی
اور تم سے ہی رہے گی
~ تمہاری افشاں رانی (سیالکوٹ)
