سیالکوٹ (رپورٹ: سیدہ نزہت شہناز) پسرور بائی پاس کے قریب مخبر کی اطلاع دی کہ دو مشکوک مسلح افراد ہیں جوکہ ڈکیتی کی نیت سے بیٹھے ہیں جس پر ایس آئی راشد وسیم نے پولیس پارٹی کے ہمراہ جیسر والا میں کاروائی کرتے ہوۓ موقع پر پہنچ کر دو ملزمان کو گرفتار کر لیا، گرفتار ملزمان میں اویس ولد عبداللطیف سکنہ جیسر والا کے قبضے سے 1 پستول 30 بور اور 4 گولیاں برآمد کرلیں جبکہ دوسرے ملزم عثمان ولد حمید ولد مہر سکنہ مارکیٹ نزد بسم اللہ سی این جی ڈسکہ کے قزبے سے 1 پستول 30 بور اور 3 گولیاں برآمد کرلیں۔ جبکہ پولیس نے موقع پر موٹر سائیکل ملزمان کو بھی گرفتار کیا، ملزمان سے موٹرسائیکل نمبری جی اے این۔ 8235 بھی برآمد کیا۔
پوچھ گچھ کرنے پر موٹر سائیکل ملزمان نے بتایا کہ انہوں نے 9 جولائی 2022 کو سبزی منڈی کچہری روڈ پر ڈکیتی کے دوران یہ موٹر سائیکل چھینی تھی مذکورہ موٹر سائیکل کا مقدمہ پہلے ہی سٹی ڈسکہ پولیس اسٹیشن میں رجسٹرڈ تھا۔ گرفتار ملزمان کے خلاف مقدمات درج کر کے تفتیش کا آغاز کردیا گیا ہے۔
