کراچی (رپورٹ: ذیشان حسین) سندھ اسکواش ایسوسی ایشن کے زیر اہتمام اور کومبیکس اسپورٹس کے اشتراک سے "کومبیکس اسپورٹس سندھ سیٹلائٹ اسکوائش چیمپئین 26 تا 29 جنوری 2022 پاکستان نیوی روشن خان جہانگیر خان (آر کے جے کے) اسکواش کمپلیکس، فلیٹ کلب، کراچی میں منعقد ہوگی۔ چیمپئن شپ تین کیٹیگریز مردوں، خواتین اور جونیئر انڈر 19 بوائز پر مشتمل ہے جس میں ہر ایونٹ میں 32 کھلاڑی حصہ لینگے۔ ایونٹ کی کل انعامی رقم 2 ہزارامریکی ڈالرزاور ایک لاکھ روپے ہے جس میں مردوں کے لئے ایک ہزار اورخواتین کیلیے ایک ہزار امریکی ڈالرز جبکہ جونیئر انڈر 19 بوائز کی انعامی رقم ایک لاکھ روپے رکھی گئی ہے۔
ایونٹ پروفیشنل سکواش ایسوسی ایشن (پی ایس ے) کے ساتھ رجسٹرڈ ہے، سیٹلائٹ ایونٹ صرف پاکستانی کھلاڑیوں تک محدود اور پاکستان اسکواش فیڈریشن سے منظور شدہ ہے چیمپئین شپ کی آرگنائزنگ کمیٹی راشد احمد ایونٹ ڈائریکٹر، نوید عالم ایونٹ ریفری اور میڈیا کوآرڈینیٹر شاہجہان صلاح الدین پر مشتمل ہے۔
