سجاس کو کامیاب اسپورٹس فیسٹول کے انعقاد پر مبارکباد پیش کرتا ہوں، سجاس اپنی برادری کی خدمت میں سب سے اگے نظر آتی ہے۔ کمشنر کراچی محمد اقبال میمن

کراچی (رپورٹ: ذیشان حسین) کراچی کو اسپورٹس کا گہوارہ بنانا چاہتے ہیں۔ انٹر ڈسٹرکٹ کمشنرز گیمز اور کمشنر کراچی گیمز کا انعقاد کلینڈر ایئر میں شامل کریں گے، سجاس کو کامیاب اسپورٹس فیسٹول کے انعقاد پر مبارکباد پیش کرتا ہوں، سجاس اپنی برادری کی خدمت میں سب سے اگے نظر اتی ہے، تیسرے میراتھن ریس کے بعد سجاس اور کمشنر کراچی الیون کے درمیان کرکٹ میچ کا انعقاد کیا جائے گا، کمشنر کراچی محمد اقبال میمن نے ان خیالات کا اظہار آصف خان کی قیادت میں اسپورٹس جرنلسٹس ایشن سندھ (سجاس) کے دس رکنی وفد سے ملاقات کے دوران کیا، سجاس کا وفد صدر آصف خان، سینئر نائب صدر زبیر نذیر خان، نائب صدر محمود ریاض، سیکریٹری اصغر عظیم، جوائنٹ سیکریٹری شاہد عثمان ساٹی، سیکریٹری فنانس ارشاد علی، سیکریٹری اطلاعات مقصود احمد، مجلس عاملہ کے ارکان شاہد انصاری، جعفر حسین، طارق اسلم پر مشتمل تھا، جبکہ کمشنر کراچی کی معاونت کمشنر کراچی اسپورٹس کمیٹی کے کنوینر غلام محمد اور پی ایس جاوید ستار نے کی۔ ملاقات کے دوران سجاس کے سیکریٹری اصغر عظیم نے کمشنر کراچی کو سجاس کی کارکردگی اور کراچی میں 22 سے 30 نومبر تک منعقدہ سجاس اسپورٹس فیسٹول کی تفصیلات سے آگاہ کیا