کراچی (رپورٹ: ذیشان حسین) ایڈمنسٹریٹر کے ایم سی سندھ حکومت کے ترجمان و مشیر قانون و بیرسٹر مرتضی وہاب کی ڈیفنس بیت اسلام ٹرسٹ آمد۔ ایڈمنسٹریٹر کراچی بیرسٹر مرتضی وہاب نے بیت اسلام ٹرسٹ میں کورونا ویکسیشن سینٹر کا دورہ کیا اور جائزہ لیا۔ بیرسٹر مرتضی وہاب کی بیت اسلام ٹرسٹ کے چیئرمین مولانا عبدالستار سے ملاقات بھی کی۔ بیت اسلام ٹرسٹ کے چیئرمین مولانا عبدالستار نے بیرسٹر مرتضی وہاب کا شکریہ ادا کرتے ہوۓ کہا کہ کورونا وباء ایک حقیقت ہے۔
ہمیں اس سے بچاؤ کے لیے تمام اقدامات اُٹھانے چاہئیں۔ ہر فرد کورونا ویکسین لازمی کروائے اور ماسک پہنیں۔ خدمت خلق ہمارا فرض ہے خدمت خلق کا درس ہمارا دین بھی دیتا ہے۔ بیرسٹر مرتضی وہاب نے مولانا عبدالستار سے تشکر کا اظہار کرتے ہوۓ کہا کہ تمام طبقات کو ملکر اس مہلک وباء سے نمٹنا ہے۔ وباء سے بچاؤ کے لئے ماسک کا استعمال، ویکسین اور سندھ حکومت کی ایس او پیز پر عملدرآمد لازمی ہے۔
