سوات (بیورو رپورٹ) سوات پریس کلب میں شہید صحافی جاوید اللہ کے حوالے سے تعزیتی ریفرینس کا انعقاد کیا گیا، تعزیتی ریفرنس میں صحافیوں کی بڑی تعداد موجود تھی، تعزیتی ریفرینس میں جاویداللہ کو خراج تحسین پیش گیا، اور حکومت سے شہید صحافی کے قاتلوں کی گرفتاری اور سزا دینے کا مطالبہ کیا گیا، صحافیوں کا کہنا تھا کہ جاوید اللہ کے قاتلوں کی گرفتاری قانون نافذ کرنے والے اداروں کیلئے ٹیسٹ کیس ہے، انہوں نے حکومت سے شہید صحافی کے اہل خانہ کو شہدا پیکیج دینے کا بھی مطالبہ کیا، پریس کلب کے چیئرمین شہزاد عالم اور یونین آف جرنلسٹس کے صدرمحبوب علی کا کہنا تھا کہ جاوید اللہ کے قاتلوں کو گرفتار نہ کیا گیا تو احتجاج کا سلسلہ شروع کردیا جاۓ گا۔
