کراچی (رپورٹ: ذیشان حسین) عہدے کا چارج چھوڑنے کے بعد سابق آئی جی سندھ ڈاکٹرسید کلیم امام نے مزار قائد کا دورہ کیا۔ بانی پاکستان قائد اعظم محمد علی جناح کی قبر پر فاتحہ خوانی کی اور پھولوں کی چادر چڑھائی۔ ڈاکٹرسید کلیم امام نے میڈیا سے بات کرتے ہوۓ کہا کہ اللہ پاک امن و امان کی فضا کو قائم و دائم رکھے اور اہلیان سندھ کو مذید خوشحالی دے۔ سندھ میں خدمت کا موقع دینے پر حکومت سندھ اور حکومت پاکستان کا شکر گزار ہوں۔ بعد اذاں ڈاکٹر سید کلیم امام والدہ کی قبر پر گئے فاتحہ خوانی کی اور پھولوں کی چادر چڑھائی۔
