کراچی (ویب ڈیسک) کراچی کے علاقے اورنگی ٹاؤن میں کراچی میونسپل کارپوریشن نے ایک بڑی کارروائی کرتے ہوئے شہریوں کی جان سے کھیلنے کے مذموم عمل کو ناکام بنا دیا۔ کراچی میونسپل کارپوریشن حکام کے چھاپے کے دوران اورنگی ٹاؤن کے مختلف مقامات پر واقع مذبحہ خانوں سے 1100 کلو گرام مضرِ صحت گوشت قبضے میں لیا گیا۔ ان کارروائیوں کے دوران کراچی میونسپل کارپوریشن حکام نے 5 سے زائد مذابح خانوں کو سیل کر دیا۔ کراچی میونسپل کارپوریشن حکام کے مطابق ان مذبح خانوں سے مضرِ صحت گوشت شہر کے مختلف علاقوں میں بھیجا جاتا تھا، جس کے کھانے سے شہری مختلف بیماریوں میں مبتلا ہو رہے تھے۔
