سیالکوٹ/ چونڈہ (رپورٹ: سیدہ نزہت شہناز) چونڈہ مرکزی انجمن تاجراں صدر رانا عابد امین اور جنرل سیکرٹری شیخ عتیق الرحمن نے سابق ضلعی ناظم پاکستان تحریک انصاف رہنما تحصیل پسرور رانا اعجاز احمد کی قیادت میں نومنتخب مرکزی صدر انجمن تاجراں سیالکوٹ مہر غلام مجتبیٰ سے خصوصی ملاقات کی اور اُنہیں مرکزی انجمن تاجراں سیالکوٹ صدر منتخب ہونے پر پھولوں کا گلدستہ پیش کر کے مبارک باد دی، اس موقع پر مہر غلام مجتبیٰ نے تاجر برادری کے وفد سے گفتگو کرتے ہوئے کہا کسی بھی ملک کی تاجر برادری ملکی معشیت میں اہم رول ہوتا ہے لہذا ہم تاجر برادری کے ہر جائز حقوق کی ہر فورم پر جنگ لڑیں گے اور اُن کے شانہ بشانہ ملکی ترقی میں اہم رول ادا کریں گے میں ہر قسم کے تعاون کے لیے چونڈہ انجمن تاجراں کے ساتھ ہوں اس موقع پر شیخ نوید و دیگر بھی وفد کے ہمراہ تھے۔
