میاں چنوں (رپورٹ: شاہد عباس سیال) میاں چنوں تھانہ صدر کے علاقہ جنڈیالی بنگلہ کے مکینوں کا نشہ آور انجکیشن, منشیات فروشوں اور انتظامیہ کے خلاف احتجاج۔ احتجاج کرنے والے مظاہرین کا کہنا تھا کہ آئے روز نشہ آورز انجیکشن کے استعمال سے نوجوان موت کی وادی میں جار رہے ہیں۔ جبکہ گزشتہ دنوں بھی نشہ سے خان محمد گجر کی ہلاکت ہوئی۔ ماؤں کی گود اُجڑ رہی ہے۔ کئی گھروں کے کفیل تک موت کی نیند سوگئے مگر انتظامیہ منشیات فروشوں کو لگام نہ ڈال سکی۔ مظاہرین کا کہنا تھا کہ نشہ آور انجیکشن فروخت کرنے والے میڈیکل سٹورز سیل کیا جائیں اور منشیات کا دھندہ کرنے والوں کے خلاف بلا امتیاز کاروائیاں کی جائیں۔ اگر کاروائی نہ ہوئی تو ڈی پی او آفس کے سامنے دھرنا دیں گے۔
