راجن پور (رپورٹ: انعام باری) سیکیورٹی فورسز نے دہشت گردی کا بڑا منصوبہ ناکام بنادیا کالعدم تنظیم کے 3 دہشت گردوں کو گرفتار کرلیا، گرفتار دہشت گردوں سے 2 ریمورٹ کنٹرول بم برآمد، بی ڈی ایس کی ٹیم نے دونوں بم ناکارہ بنا دیے، تفصیلات کے مطابق راجن پور کی تحصیل روجھان کے عربی ٹبہ میں سیکیورٹی فورسز نے بروقت کاروائی کرتے ہوئے دہشت گردی کا بڑا منصوبہ ناکام بنا دیا، کالعدم تنظیم کے 3 دہشت گردوں کو گرفتار کرلیا گرفتار دہشت گردوں سے 2 ریمورٹ کنٹرول بم برآمد ہوئے جس کو بی ڈی ایس کی ٹیم نے موقع پر پہنچ کر ناکارہ بنادیا، بی ڈی ایس کے آفیسر غلام عباس کے مطابق بم 3 سے 5 کلو وزنی تھے دہشت گرد اہم مقامات کی منصوبہ بندی کررہے تھے جو ناکام بنادی گئی ہے گرفتار دہشت گردوں کا تعلق کالعدم تنظیم بی ایل اے سے ہے گرفتار دہشت گردوں کو نامعلوم مقام پر منتقل کردیا گیا گرفتار دہشت گردوں سے اسلحہ بھی برآمد ہوا۔
