نجی تعلیمی ادارے طلباء سے صرف منظور شدہ فیس لینے پر پابند ہیں، مختلف ڈے منانے اور مختلف ناموں سے کوئی غیر قانونی فیس وصول نہیں کرینگے۔ ڈاکٹر منسوب حسین صدیقی

کراچی (رپورٹ: ذیشان حسین) ڈائریکٹر جنرل پرائيویٹ انسٹيٹيوشن ڈاکٹر منسوب حسین صدیقی نے تمام نجی اسکولوں کو نوٹیفیکیش جاری کردیا، سالانہ امتحانات کے نتائج کے ساتھ تمام نجی تعلیمی ادارے کتابيں، کاپیاں، اسٹیشنری، یونیفارم وغيرہ کی فہرست فراہم کریں تاکہ والدین اپنی مرضی سے ان اشیا کو خرید سکیں۔ نجی تعلیمی ادارے والدین کو کسی مخصوص مقام یا اسکول سے ان اشیا کو خریدنے کا پابند نہیں کرینگے۔ نجی تعلیمی ادارے طالب علموں سے صرف اور صرف منظور شدہ فیس لینے پر پابند ہیں، مختلف ڈے منانے اور مختلف ناموں سے کوئی غیر قانونی فیس وصول نہیں کرینگے۔