میہڑ (رپورٹ: عبدالرحمان قمبرانی) سندھ ایجوکیشن فاؤنڈیشن میہڑ کے تعاون سے سن لائٹ مڈل اسکول میہڑ میں تعلیمی سیمینار کا انعقاد کیا گیا۔ تعلیمی سیمینار میں اسکول کے طلباء سمیت اساتذہ اور والدین نے شرکت کی اس موقع پر اسکول کے طلباء کے درمیان تقریروں کے مقابلے ہوئے جس میں پوزیشن حاصل کرنے والے طلباء کو شیلڈ اور میڈلز دیئے گئے۔ تقریب سے خطاب کرتے سید وزیر علی شاہ، صدام حسین مغیری، جواد چنا، آمنہ عباسی، ثمینہ چانڈیو اور دیگر نے کہا کہ اسکول کےطلباء کی صلاحیتوں کو اجاگر کرنے کیلئے موقع ملنا چاہیے تعلیم سے بہتری ممکن ہے اسکول کے اندر بچوں کو تدریسی اور غیر تدریسی معلومات دی جائے، اس موقع پر اسکول کے طلباء نے ٹیبلوز پیش کیے اور قومی گیتوں پر رقص کیا۔
