سیالکوٹ (رپورٹ: سیدہ نزہت شہناز) سیالکوٹ میں سود مافیا کا راج لوگ سود مافیا سے تنگ آکر خود کشیاں کرنے پر مجبور ہوگئے۔ تھانہ کینٹ کے علاقہ پٹھے کلاں میں ایک شخص مرزا جٹ نامی شخص نے سود پر پیسے ادھار لیے اور اصل رقم واپس کرنے کے باوجود سود خوروں نے اس کا جینا حرام کر دیا تھا جس سے تنگ آ کے اس نے تیزاب پی لیا اور زندگی کا خاتمہ کرنے کی کوشش کی۔ ضلع سیالکوٹ میں سود مافیا غریب لوگوں کو ادھار پیسے دے کر سادے اسٹامپ پیپرز پر دستخط کروا کے اپنی مرضی کی تحریر لکھ کر لوگوں کی جائیدادوں پر قبضہ کرنا اور ان کو مختلف طریقوں سے بلیک میل کرنا ان سود خوروں کا وطیرہ بن گیا ہے، سیالکوٹ کی عوام کا ڈی پی او سے ان سود خوروں کے خلاف سخت سے سخت کاروائی کا مطالبہ کیا ہے۔
