کراچی (رپورٹ: ذیشان حسین) صوبے بھر میں 16 سے 19 دسمبر تک پولیو سے بچاؤ کے لیے خصوصی مہم شروع ہوگی۔ ڈائریکٹوریٹ آف پرائیویٹ انسٹی ٹیوشن نے مہم کے حوالے سے نجی اسکولوں کو ہدایت نامہ جاری کردیا۔ ڈی جی پرائیویٹ انسٹی ٹیویشن منسوب صدیقی نے ہدایت نامے میں کہا گیا ہے کہ مہم کے دوران پانچ سال سے کم عمر بچوں کو پولیو کے قطرے لازمی پلائے جائیں۔ تمام نجی اسکول ویکسین پلانے والی ٹیموں کے ساتھ تعاون کرنے کے پابند ہونگے تعاون نہ کرنے اور قطرے پلانے سے انکاری اسکولوں کے خلاف کارروائی ہوگی۔
