لاہور ( ویب ڈیسک) ریئرایڈمرل زبیر شفیق نے پاک بحریہ کے کمانڈر سینٹرل پنجاب کی کمان سنبھال لی ہے۔ ترجمان پاک بحریہ کے مطابق ریئر ایڈمرل زبیر شفیق پاک بحریہ کے کمانڈر سینٹرل پنجاب تعینات کئے گئے ہیں، کمانڈر سینٹرل پنجاب کی تبدیلی کی تقریب لاہور میں منعقد ہوئی۔ ریئر ایڈمرل زبیر شفیق نے ریئر ایڈمرل زاہد الیاس سے کمانڈر سنٹرل پنجاب کا چارج لیا، اس موقع پر پاک بحریہ کے سینئر افسران اور جوانوں نے شرکت کی۔ ترجمان پاک بحریہ کے مطابق ریئر ایڈمرل زبیر شفیق نے یادگار شہدا پر پھولوں کی چادر چڑھائی اور فاتحہ خوانی کی، قبل ازیں وہ ڈپٹی چیف آف نیول اسٹاف کے فرائض سر انجام دے رہے تھے۔
