موریشس میں عام انتخابات میں ووٹنگ کا عمل مکمل، ووٹوں کی گنتی جاری ہے

پورٹ لوئیس/ موریشس (رپورٹ: محمّد عمر) موریشس میں عام انتخابات کے لئے ووٹنگ کا عمل مکمل ہوگیا ہے، اور اب ووٹوں کی گنتی جاری ہے۔ گزشتہ دن پولنگ صبح 7 بجے سے شروع ہوئی جو بغیر کسی وقفے کے شام 6 بجے تک جاری رہی۔ 941719 رجسٹرڈ ووٹرز نے الیکشن میں اپنا حق راۓ دہی استعمال کیا۔ 18 سے 25 سال تک کی عمر کے ووٹرز کا تناسب %13.76، 26 سے 35 کی عمر کے %18.69، 36 سے 45 کی عمر کے %19.19، 46 سے 55 تک کی عمر کے %18.31، 56 سے 65 تک کی عمر کے %16.33، 65 سال سے زائد عمر کے %13.72 ہے۔ موریشس میں گزشتہ دن ہونے والے عام انتخابات میں صبح 7 بجے سے دوپہر 2 بجے تک ٹرن آوٹ %44.36 فیصد رہا۔