ایبٹ آباد کی ضلعی انتظامیہ نے آتشیں اسلحہ کی نمائش، موٹر سائیکل پر ڈبل سواری، چھتوں پر کھڑا ہونے، غیر قانونی پارکنگ، ہوائی فائرنگ اور اشتعال انگیز بینر آویزاں کرنے پر پابندی عائد کردی ہے

ایبٹ آباد (رپورٹ: عتیق سلیمانی) ایبٹ آباد کی ضلعی انتظامیہ نے عید میلاد النبی صلی اللہ علیہ وسلم کے موقع پر ضلع میں امن و امان قائم رکھنے کے لیے خصوصی احکامات کے تحت آتشیں اسلحہ کی نمائش، موٹر سائیکل پر ڈبل سواری، چھتوں پر کھڑا ہونے، غیر قانونی پارکنگ، ہوائی فائرنگ اور اشتعال انگیز بینر آویزاں کرنے پر پابندی عائد کردی ہے۔ڈپٹی کمشنر ایبٹ آباد عامر آفاق کی جانب سے اس بارے میں جاری کردہ حکم نامے کے مطابق ضابطہ فوجداری کی دفعہ 144 کے تحت لگا ئی گئی یہ پابندی 8 نومبر2019 سے 12 نومبر 2019 تک نافذالعمل رہے گی اور اس کی خلاف ورزی کے مرتکب افراد کو قانون کے مطابق سزا دی جا سکے گی۔