میرپورخاص (رپورٹ: ایم ہاشم شر) جنرل مینیجر واپڈا و چیف ایگزیکٹیو آفیسر حیسکو ریجن عبدالحق میمن نے میرہورخاص میں آپریشن سرکل کے افسران سے کارکردگی جاننے کے حوالے اجلاس منعقد کیا۔ اس موقع پر ایڈیشنل ڈائریکٹر جنرل کمرشل حیسکو محمود علی قائمخانی، چیف انجینیر پلاننگ منظور احمد کاکیپوٹو، سپریڈینٹ انجنیئر حیسکو میرپورخاص محمد اقبال باریچ، ڈی سی ایم سید عشرت علی، ایکسین سید مختیار شاہ، نزاکت میمن و دیگر افسران موجود تھے، اجلاس میں جنرل مینیجر و حیسکو چیف نے خراب کارکردگی پر اظہار برہمی کرتے ہوۓ ہدایات دی کہ بجلی کی چوری کا مکمل خاتمہ کیا جائے اور واجبات کی سو فیصد ریکوری کو یقینی بنایا جائے، انہوں نے وارننگ دیتے ہوئے کہا کہ جس کی کارکردگی خراب ہوگی اس کے خلاف مروجہ قانون کے تحت ایکشن لیا جائے گا۔
