نوشہرہ (رپورٹ: اصغر خان) نوشہرہ رسالپور پولیس نے منشیات سمگل کرنے کی کوشش ناکام بنادی۔ موٹر کار کے خفیہ خانوں سے 9 کلو گرام اعلیٰ کوالٹی چرس اور 2 کلو گرام افیون برآمد۔ ملزمان گرفتار۔ تفصیلات کے مطابق ڈسٹر کٹ پولیس افیسر کیپٹن (ر) منصور امان کے خصوصی احکامات پر ضلع بھر میں منشیات سمگل کرنے والوں کے خلاف بھر پور کاروائیاں جاری۔ ایس ایچ او جان محمد خان تھانہ رسالپور کی نگرانی میں ناکہ بندی کی گئی تھی۔ کہ ایک موٹرکار نمبر او ایل جی- 2144 کو روکنے کا اشارہ کیا۔ موٹر کار کی تلاشی لینے پر خفیہ خانوں سے 9 کلو گرام اعلیٰ کوالٹی چرس اور 2 کلوگرام افیون برآمد کر لی گئی۔ ملزمان جہانگیر ولد ولی خان اور داود شاہ ولد ولایت شاہ ساکنان پشاور موقع پر گرفتار۔ ملزمان کو تھانہ رسالپور منتقل کر دیا گیا۔ مقدمہ درج۔ ملزمان سے مزید تفتیش جاری ہے۔
