میرپورخاص (رپورٹ: ایم ہاشم شر) گزشتہ ماہ ستمبر میں ایس ایس پی میرپورخاص جاوید بلوچ کی ہدایات کی روشنی میں ضلع بھر کے تمام ایس ڈی پی اوز / ایس ایچ اوز کا جرائم پیشہ عناصر، منشیات فروشوں کے خلاف بھرپور کریک ڈاؤن جاری رہا۔ ماہ ستمبر کے دوران میرپورخاص پولیس کی ٹارگیٹڈ آپریشن کی کارکردگی درج ذیل ہے۔ 3 اشتہاری ملزمان، 23 روپوش مفرور ملزمان، 2 ڈکیٹ، 1 اسٹریٹ کرمنل و دیگر جرائم میں ملوث 189 ملزمان گرفتار۔ ناجائز اسلحہ کے خلاف 2 کیسز داخل 2 ملزمان گرفتار 2 پسٹل اور 9 راؤنڈز برآمد۔ منشیات فروشوں کے خلاف 32 کیسز داخل 31 منشیات فروش گرفتار، 2,940 گرام چرس، 4 بوتل انگلش شراب اور 1611 لیٹر کچی شراب برآمد۔ جواریوں اور سٹے بازوں کے خلاف کاروائی 2 کیسز داخل، 15 سٹے باز جواری 880 کیش اور سٹے کی بکوں سمیت گرفتار۔ مضر صحت مین پوری و گٹکا کے 66 کیسز داخل، 71 ملزمان گرفتار، 17,286 مضر صحت گٹکے، 1020 مین پوری اور 39,450 انڈین گٹکے برآمد کیے گئے۔
