نئی دہلی (مانیٹرنگ ڈیسک) اسرائیلی ساخت کے ٹینک شکن میزائلوں کی پہلی کھیپ ہندوستان پہنچ گئی، ہندوستانی اخبار اکنامکس ٹائمز نے اپنی ایک رپورٹ میں لکھا ہے کہ حکومت ہندوستان نے اسرائیلی ساخت کے اسپیک نامی ٹینک شکن میزائلوں کی پہلی کھیپ وصول کر لی ہے۔ ابھی کچھ دنوں پہلے حکومت ہندوستان نے صیہونی حکومت کے ساتھ اسپائس گائیڈڈ میزائلوں کی خریداری کے معاہدے پر دستخط کئے تھے۔ ہندوستان اورصیہونی حکومت نے حالیہ برسوں میں صیہونی حکومت سے ہتھیار خریدنے کے لئے ایک بڑے سمجھوتے پر دستخط کئے ہیں۔ ہندوستانی وزیراعظم نے دو ہزار سترہ میں مقبوضہ فلسطین کا دورہ بھی کیا تھا۔
