اسلام آباد (ویب ڈیسک) اوگرا نے پٹرولیم مصنوعات کی قیمتوں میں رد و بدل کی سمری وزارت پٹرولیم کو بھجوا دی۔ ذرائع کے مطابق پیٹرول کی قیمت میں دو روپے پچپن پیسے فی لیٹر کمی کی سفارش کی گئی ہے۔ اس کے علاوہ ہائی اسپیڈ ڈیزل کی قیمت میں 3 روپے 23 پیسے فی لیٹر کمی اور لائٹ ڈیزل آئل کی قیمت میں 2 روپے 41 پیسے فی لیٹر کمی کی سفارش کی گئی ہے۔ ذرائع کا کہنا ہے کہ مٹی کے تیل کی قیمت میں 1 روپے 19 پیسے فی لیٹر اضافے کی بھی سفارش کی گئی ہے۔ پیٹرولیم مصنوعات کی قیمتوں میں رد و بدل کا اطلاق یکم اکتوبر سے ہوگا۔
