اسلام آباد (نوپ نیوز) عمران خان نے اپنے ویڈیو پیغام میں کہا کہ میں نے سردار عثمان کو پنجاب کا وزیر اعلی منتخب کیا ہے، سردار عثمان پہلی دفعہ ایم پی اے منتخب ہوئے ہیں،ان کو کوئی جانتا بھی نہیں ہے اور پنجاب کے سب سے پسماندہ علاقے سے ان کا تعلق ہے،ڈی جی خان پنجاب کا سب سے پسماندہ علاقہ ہے،ڈی جی خان میں نہ ڈاکٹر ہے، نہ صاف پانی نہ بجلی، سردار عثمان کو پتہ ہوگا کے غریب کیسے رہتے ہیں،تحریک انصاف کا یہ نظریہ ہے کہ ہم غریب طبقے کو پسے ہوئے طبقے کو اوپر لے کر آئیں گے،پسماندہ اور پیچھے رہ جانے والے علاقوں کو اوپر لے کر آئیں گے، سردار عثمان ایک ایماندار اور سادہ انسان ہے،یہ سادہ زندگی گزاریں گے اور بڑے بڑے پروٹوکول نہیں لیں گے، تحریک انصاف کا یہ نظریہ ہے کہ ہم بڑے بڑے پروٹوکول میں نہیں رہیں گے،ہم سادہ زندگی گزاریں گے۔
