یونان/ ایتھنز (رپورٹ: ملک فیصل سمرالہ) جمعرات کی رات کو تهاسالونیکی میں واقع داواتا کیمپ کے باہر پولیس اور پناہ گزینوں کے درمیان تصادم کے واقعات پیش آئے، تفصیلات کے مطابق سوشل میڈیا پر بارڈر کھلنے کی جھوٹی افواہ پڑھنے کے بعد یونان کے مختلف کیمپوں سے سینکڑوں کی تعداد میں پناہ گزین اور مہاجرین قافلوں کی صورت میں تهاسالونیکی داواتا کیمپ پہنچ گئے اور خیموں میں ڈیرے ڈال دیئے۔ یہ مہاجرین براستہ شمالی ماکیدونیہ سے یورپ جانے کی غرض سے تهاسالونیکی کے داواتا کیمپ آئے تهے جن میں بچوں اور خواتین کی بڑی تعداد شامل تهی۔ پولیس کے راستہ روکنے پر پناہ گزینوں نے پتھراؤ کر دیا جس کے نتیجے میں پولیس نے ہجوم کو منتشر کرنے کیلئے آنسو گیس کا استعمال کیا تاہم کسی قسم کے جانی نقصان یا زخمی ہونے کی اطلاع موصول نہیں ہوئی۔ پناہ گزین یا مہاجرین کو خبردار کیا جاتا ہے کہ بارڈر کھلنے کی افواہ محض جهوٹ پر مبنی ہے اور وہ تهاسالونیکی جانے سے گریز کریں۔
