میرپورخاص (رپورٹ: ایم ہاشم شر) گزشتہ روز میرپورخاص کے علاقے لطیف ٹاؤن میں گٹر نالی میں گر کر دو سالہ معصوم بچے مصطفیٰ کی ہلاکت ہوئی تھی۔ واقعے کی اطلاع ملنے کے بعد صوبائی وزیر اقلیتی امور و خوراک ہری رام کشوری لال نے جانبحق ہونے والے بچے کے گھر جاکر اہل خانہ سے دلی افسوس کا اظہار کیا اور کہا کہ بچے کی ہلاکت پر دلی صدمہ پہنچا ہے اللہ پاک سے بچے کے والدین کو صبر دینے کی دعا کرتا ہوں۔ صوبائی وزیر ہری رام کشوری لال شہر نے کہا کہ شہر بھر کے کھلے گٹر مین ہول بند کرکے نالیوں کے بجائے سیوریج پائپ لائنیں بچھائی جائینگی تاکہ مستقبل میں کوئی دوسرا واقعہ رونما نہ ہو سکے۔
