میرپورخاص (رپورٹ: ایم ہاشم شر) آل پرائیویٹ اسکولز مینجمینٹ ایسوسی ایشن میرپورخاص ریجن کے صدر فیصل خان زئی، سینئر نائب صدر غضنفر علی خان، جنرل سیکریٹری نعمان ھالیپوٹو، انفارمیشن سیکریٹری محترمہ نبیلہ جلیل، مسعود عباس، عمر فاروق قریشی، محترمہ شہناز حمید و یگر عہدے داروں نے اپنے مشترکہ طور پر اپسما سندھ کے مرکزی رہنما احمد سعید قائم خانی ایڈوکیٹ کی والدہ اور ماہر تعلیم جناب اسلم راجپوت کے انتقال پر گہرے دکھ و افسوس کا اظہار کیا۔ مرحومین کے درجات کی بلندی اور لواحقین کے لئے صبر جمیل کے لئے دعا کی گئی۔ قبل ازیں رہنماؤں نے تدفین میں شرکت کی اور مرحومین کے لواحقین سے تعزیت کا اظہار کیا۔
