میرپورخاص (رپورٹ: ایم ہاشم شر) سفاک قاتل نے ساتھیوں کے ہمراہ ملکر 2008 میں عمرکوٹ تھانہ بودر فارم کے حدود گاؤں جیئندو خان نوحانی میں تین افراد کو بے دردی سے قتل کیا تھا۔ مسمات رحمت بی بی نے اپنے بیٹے حسین نوحانی ماموں ذاد بھائی بھورو نوحانی اور دیور میر نوحانی کے قتل کا مقدمہ عمرکوٹ تھانہ بودر فارم میں درج کرایا تھا تین افراد کے قتل کا مقدمہ عمرکوٹ میں درج ہے۔ رحمت بی بی نے انصاف کیلئے عدالت عظمی سے نوٹس کی اپیل کی جسکے بعد عدالت عظمی نے ملزم کی گرفتاری کیلئے پولیس کو ٹیم تشکیل دینے کا حکم دیا پولیس نے تین ملزمان کو گرفتار کیا جنکو عمرقید کی سزا ہوچکی ہے۔ تاہم ملزم نور محمد نوحانی مسلسل 11سال مفرور رہا۔ سی آئی اے پولیس میرپوخاص نے خفیہ اطلاع پر مدرسہ چوکی سانگھڑ روڈ پر کامیاب کاروائی کرتے ہوئے ملزم نور محمد نوحانی ولد مہر نوحانی کو گرفتار کرلیا جس سے مزید تفتیش جاری۔
