ڈیرہ اسماعیل خان (رپورٹ: گوہر غنچہ) اسسٹنٹ کمشنر ڈیرہ کیپٹن (ر) عون حیدر گوندل نے رتہ کلاچی سبزی و فروٹ منڈی کا اچانک دورہ کیا۔ اس موقع پر اے ایف سی فوڈ و پرائس کنٹرول مجسٹریٹ چوہدری خلیق الرحمان بھی ان کے ہمراہ موجود تھے۔ اسسٹنٹ کمشنر ڈیرہ نے اس موقع پر ناجائز تجاوزات کے خلاف مہم کے سلسلے میں رتہ کلاچی سبزی و فروٹ منڈی میں موجود ناجائز تھڑوں پر کاروبار کرنے اورغیررجسٹرڈ آڑھتیوں کو تین روز کی مہلت دی کہ وہ اپنے غیر قانونی تھڑے و کاروبار ختم کردیں۔ انہوں نے سختی کے ساتھ ہدایات جاری کیں کہ سبزی و فروٹ کے نرخ رات کے اندھیرے میں نہیں بلکہ صبح نو بجے طے کیے جائیں۔
