بنوں (رپورٹ: جنید وزیر) بجلی چوروں کے خلاف ڈسٹرکٹ انفورسمنٹ کمیٹی بنوں نے کام شروع کردیا ہے پہلے مرحلے میں غیر قانونی ٹرانسفارمرز اتارے جائینگے جبکہ غیر قانونی طور پر ٹرانسفارمر استعمال کرنے والوں کے خلاف قانونی کروائی کرتے ہوۓ مقدمات بھی درج کیے جائیں گے- چیف سیکرٹری خیبر پختونخواہ کے احکامات پر بنائی گئی ڈسٹرکٹ انفورسمنٹ کمیٹی بنوں کے چیئرمین ڈپٹی کمشنر بنوں محمد علی اصغر کی سربراہی میں میٹنگ ہوئی جس میں بجلی نادہندگان کے خلاف گرینڈ اپریشن کیلئے تمام تر اقدامات اور پہلو پر غور کیا گیا اجلاس میں ایڈیشنل ڈپٹی کمشنر کامران خان، اسسٹنٹ کمشنر شوذب عباس، ایڈیشنل اسسٹنٹ کمشنرز عید نواز شیرانی اور طارق سلیم، ایکسن واپڈا بنوں سرکل، ایڈیشنل ایس پی بنوں، پبلک پراسیکیوٹر واپڈا، الیکٹرک سٹی انسپکٹر بنوں و دیگر آفسران نے شرکت کی.
