کراچی، (رپورٹ، ذیشان حسین/ اسپورٹس رپورٹر) پاکستان کی انڈر 19 کرکٹ ٹیم اے سی سی ایشیا کپ میں حصہ لینے کے لیے کراچی سے دبئی روانہ ہو گئی ہے۔ آٹھ ٹیموں پر مشتمل یہ ون ڈے ٹورنامنٹ 12 سے 21 دسمبر تک دبئی میں کھیلا جائے گا۔
پاکستان گروپ اے میں بھارت، ملائیشیا اور یو اے ای کے ساتھ شامل ہے اور اپنا پہلا میچ 12 دسمبر کو ملائیشیا کے خلاف کھیلے گی۔
ٹیم مینیجر سرفراز احمد نے کھلاڑیوں کو مکمل اعتماد اور بھرپور سپورٹ فراہم کرنے کا اعلان کرتے ہوئے کہا کہ سات روزہ کیمپ میں کھلاڑیوں نے سخت محنت کی ہے۔ ایشیا کپ سے قبل دبئی میں پریکٹس سیشن کے ذریعے ٹیم جلد حالات کے مطابق ہم آہنگ ہو جائے گی۔
