صدر مملکت ڈاکٹر عارف علوی کا سوئٹزر لینڈ کے صدر کو قائدِاعظم کے بھائی سے متعلق دستاویزات تحفے میں دینے کیلئے خط

اسلامآباد، (نوپ نیوز) صدر مملکت ڈاکٹر عارف علوی نے سوئٹزر لینڈ کے صدر کو قائدِاعظم کے بھائی سے متعلق دستاویزات تحفے میں دینے کیلئے خط ارسال کر دیا جس میں انہوں نے سوئٹزر لینڈ کے صدر کو خط میں احمد علی جناح کی زندگی کے بارے میں دستاویزات کی نقول حاصل کرنے میں تعاون کی درخواست کی ہے ایوان صدر کے پریس ونگ کے مطابق صدر مملکت نے اپنے خط میں کہا کہ احمد علی جناح کی زندگی کی تفصیلات ، تصاویراور تاریخ کا مجموعہ زیورخ سٹی آرکائیوز کی ملکیت میں ہے ،قائداعظم محمد علی جناح کی تاریخی حیثیت اور اہمیت کے پیش نظر دستاویزات تک رسائی پاکستانی عوام کیلئے قومی اہمیت کی حامل ہے۔ خط میں ان کا کہنا تھا کہ خاتون اول ثمینہ علوی نے جنوری 2024 ء میں زیورخ آرکائیوز کا دورہ کیا ،خاتون اول نے دستاویزات پڑھنے کے بعد معاملے میں ذاتی دلچسپی لی ۔سوئٹزرلینڈ سے درخواست ہے کہ دستاویز ات کا مجموعہ نیشنل آرکائیوز آف پاکستان کو بطور تحفہ فراہم کر دیا جائے ،